Policia ka identifikuar autorin e dyshuar të vrasjes së efektivit të Krimeve në Policinë e Lezhës, ngjarje e ndodhur paraditen e së martës në Ishull Lezhë.
Sipas Policisë, bëhet fjalë për një 21-vjeçar, të identifikuar si Aldo Rama, i dënuar më parë për prodhim dhe shitje të narkotikëve dhe mbajtje pa leje të armëve të ftohta, i cili është larguar me automjet nga vendngjarja.
Autori i dyshuar i vrasjes së efektivit Saimir Hoxha nuk është arrestuar ende. Në vendin e ngjarjes, kanë shkuar forcat RENEA, ato të Ndërhyrjes së Shpejtë.
Efektivi i mbetur i vrarë në krye të detyrës ishte duke ushtruar kontroll në zonë, pasi dyshonte që brenda lagunës Kune-Vain, kultivohej lëndë narkotike.
Është vrarë gjatë kontrollit të territorit për parandalimin e kultivimit të bimëve narkotike, oficeri i Krimeve në Policinë e Lezhës. Mësohet se 44-vjeçari, Sajmir Hoxha, ka ndërruar jetë rrugës për në spital. Ngjarja ka ndodhur në Ishull Lezhë. Shërbimet e Policisë kanë rrethuar zonën me qëllim kapjen e autorit, si dhe kanë shoqëruar disa persona për vrasjen. Polici i vrarë dyshohet se kishte informacione se brenda lagunës Kune-Vain, kultivohet drogë.
Viktima Sajmir Hoxha ishte nga Puka dhe prej vitesh ishte punonjës policie në Lezhë dhe Shëngjin.
Njoftimi i Policisë
Rreth orës 10:30, në Ishull Lezhë, në rrethana ende të paqarta është qëlluar me armë zjarri në drejtim të grupit të kontrollit të territorit për parandalimin e kultivimit të bimëve narkotike.
Si pasojë, është plagosur me armë zjarri oficeri i Krimeve në Komisariatin e Policisë Lezhë shtetasi S. H., 44 vjeç, i cili për pasojë të plagëve të marra ka ndërruar jetë gjatë rrugës për në spitalin Rajonal Lezhë.
Shërbimet e Policisë kanë rrethuar zonën me qëllim kapjen e autorit.
Në ndihmë të Policisë lokale janë nisur forcat speciale Renea, grupe të FNSH-së dhe një grup i posaçëm hetimor nga Drejtoria e Përgjithshme e Policisë së Shtetit, për të bërë të mundur zbardhjen e plotë të rrethanave të ngjarjes, identifikimin dhe kapjen e autorëve.
About Author
