Numri i vendeve ku shfrytëzuesit e Internetit u arrestuan dhe maltretuan për shkak të postimeve të tyre ka arritur rekord nga qershori i vitit 2020 deri në maj të vitit 2021, tregoi raporti i Freedom House të publikuar ditën e sotme.
Të drejtat digjitale bien në botë për 11 vite me radhë, kumtoi organizata joqeveritare amerikane.
Raporti e vlerëson nivelin e lirisë së Internetit në vende të ndryshme, veçanërisht duke i marr parasysh kufizimet për qasje ose tentimet për manipulim me debatet në internet.
“Këtë vit, shfrytëzuesit e Internetit janë përballur me sulme fizike si hakmarrje për aktivitet e tyre onlajn në 41 vende”, thuhet në raport.
Gjithsej 20 vende e kanë bllokuar qasjen e qytetarëve të tyre në internet për një vit.
Gjatë periudhës së monitorimit, situata në Mianmar dhe Bjellorusi u theksua në një kontekst negativ, ku pati ndërprerje të energjisë për të bllokuar internetin.
Të drejtat në internet më së shumti shkelen në Islandë, e cila është para Estonisë dhe Kostarikës.
Kina ende është në vendin e parë midis vendeve që manipulojnë me Internetin për shkak të censurës, luftës kundër anonimitetit onlajn dhe arrestimit të personave të mendimit të njëjtë të cilët janë aktiv në internet.
About Author
