ot në hapësirat e komunës së Tetovës u mbajt mbledhja e rradhës e shtabit të krizës pranë komunës së Tetovës lidhur me menaxhimin e situatës epidemiologjike me #covid19.Në Qendrën Klinike në Tetovë janë gjithsej 106 pacient të hospitalizuar me përkrahje oksigjeni, ku 8 prej tyre janë me dozën e pare, dhe 6 me dozën e dytë të vaksinës. Gjatë 24 orëve të fundit fatkeqësisht 4 persona kanë ndëruar jetë, por vlen të theksohet fakti se të gjithë kanë pasur edhe sëmundje të tjera përcjellëse. Poashtu 149 pacientëjanë paraqitur dhe marrin trajtimin e duhur në ambulantën ditore.Ditët u fundit ka një rënie të numrit të rasteve të reja që paraqiten me pasqyrë të rëndë shëndetësore në qendrën Klinike në Tetovë, por gjendja epidemiologjike në komunën e Tetovës vazhdon të jetë shume serioze.Nga e hëna (06.09.2021) do të fillojë edhe realizimi I testeve të shpejta në Shtëpinë e shëndetit në Tetovë, që padyshim se do ta lehtësojë dhe do të mundësojë një detektim më të shpejtë dhe efikas të rasteve të reja me covid19.Falë hapjes së punkteve të reja të vaksinimit në Tetovë, sipas të dhënave statistikore jemi qyteti I parë në Europë për sa i përket numrit të qytetarëve që janë vaksinuar në 2 javët fundit, me një rritje prej 15% nga numri i përgjithsëm I qytetarëve. Nëse kjo dinamikë vazhdon për 2 javët në vijim do të kemi afër 50 % të qytetarëve të vaksinuar.Nga e hëna (06.09.2021) do të fillojë edhe funksionimi i Qendrës për Kulturë si qendër rivaksinimi, si dhe pika e vaksinimit tek Teleferiku (Elem Tours).Me qëllim të menaxhimit sa më të mirë dhe efikas të vaskinave, shtabi i krizës në Tetovë sot vendosi, që si qendër vaksinimi për fëmijët e moshës 12 deri 18 vjeç, grave shtatëzëna, nënave gjidhënëse, si dhe personave me sëmundje përcjellëse, të jetë pika e vaksinimit që funskionon në kuadër të Shtëpisë së Shëndetit në Tetovë.Qendra e rivaksinimit tek Salla e shkollës së mjekësisë do të funksionojë deri të dielën (05.09.2021), kurse nga e hëna (06.09.2021) kjo qendër do të transferohet në Qendrën për Kulturë në Tetovë.Për sa i përket fillimit të vitit shkollor me prezencë fizike në shkollat fillore, deri më tani masat dhe protokolet mbrojtëse respektohen në mënyrë strikte, dhe për fat mirë deri më tani nuk kemi nxënës që janë detektuar pozitiv me covid19.Bëj thirrje edhe njëherë që të gjithë të tregohemi maksimalisht të përgjegjshëm, duke respektuar masat, protokolet dhe rekomandimet mbrojtëse të institucioneve kompetente shëndetësore, sepse vetëm kështu mundemi të gjithë bashkë të kontribuojmë në tejkalimin e situatës në të cilën gjendemi. Mbani distancën, shmangni mbledhitë me më shumë njerëz, mbani maskat mbrojtëse dhe vaksinohuni, sepse vaksina shpëton jetë.
About Author
