Institucionet nuk planifikojnë imunizimin e posaçëm të trupave që duhet të bëjnë regjistrimin e popullsisë në shtator. Sipas Entit Shtetëror të Statistikës, konkursi për angazhimin e regjistruesve të terrenit dhe instruktorëve rajonal duhet të përsëritet në gjysmën e dytë të korrikut sepse përzgjedhjet që u bënë për regjistrimin që duhej të mbahej në prill nuk vlejnë më. Ky institucion thotë se nuk do të ketë kohë për vaksinimin e tyre.
Zgjedhja do të bëhet në fillim të gushtit kështu që është e pamundur të organizohet vaksinim i kandidatëve të zgjedhur për shkak të kohës së shkurtër deri në fillimin e regjistrimit. Çështja e dytë është që vaksinimi është vullnetar dhe ne mundemi vetëm të rekomandojmë dhe të apelojmë tek të gjithë që duan të marrin pjesë në aktivitetet e regjistrimit që të vaksinohen – njoftojnë nga Enti Shtetëror i Statistikës.
Ministria e Shëndetësisë thotë se regjistrim i sigurt nga aspekti shëndetësor do të arrihet përmes imunizimit masiv, duke mos përmendur imunizimin e posaçëm të regjistruesve.
Varësisht situatës epidemiologjike dhe përllogaritjes së rrezikut, Ministria e Shëndetësisë do të zbatojë strategji për plan për imunizim me qëllim të zbatimit të regjistrimit të sigurt. Në periudhën e ardhshme pritet të arrijnë vaksina në numër më të madh dhe vaksinimi do të vazhdojë të zbatohet pandërprerë për të gjithë qytetarët – thonë nga Ministria e Shëndetësisë.
About Author
