Kryeministri i Maqedonisë së Veriut, Zoran Zaev, ministri i Punëve të Jashtme, Bujar Osmani dhe ministrja e Mbrojtjes, Radmilla Shekerinska qëndrojnë në Bruksel.
Vendi ynë, do të marrë pjesë për herë të parë në Samitin e NATO-s, si anëtare e plotfuqishme.
Para Samitit, Zaevi pati paraqitje para mediave, ku mes tjerash deklaroi:
“Ky është moment historik për vendin tim. Ky është samiti i parë i NATO-s për Maqedoninë e Veriut si anëtare e plotfuqishme. Ky, gjithashtu është samiti i parë i NATO-s me 30 anëtare. Ky është sukses i madh për Maqedoninë e Veriut dhe NATO-n. Anëtarësimi në NATO ishte realizimi i qëllimit strategjik të vendit tonë, por në mënyrë shtesë, me anëtarësimin tonë, Aleanca e përmirësoi sigurinë dhe stabilitetin në rajonin e Ballkanit Perëndimor”, transmeton TV21
Ai ka shpehur dëshirën e fuqishme, që në NATO të integrohen të gjitha shtetet e Ballkanit Perëndimor.
“Lënia e vakumit në pjesën tonë të Evropës, nuk është opsion”, tha më tej Zaevi.
About Author
