Juventusi pritet që ditët në vijim të bëjë një tjetër ofertë ndaj sulmuesit spanjoll Avaro Morata në mënyrë që ta mbajë atë në Torino edhe një sezon. Bordi i “Zonjës së Vjetër” ka vendosur të paguajë edhe 10 milionë euro në arkat e Atletiko Madridit për të zgjatur huazimin e Moratës deri në qershor të 2022.
Sipas gazetarit Fabricio Romano, klauzola e kontratës një sezonale e rënë dakord verën e kaluar mes Juventusit dhe Atletikos do të zhbëhet ditët e ardhshëm, për të arritur një marrëveshje të re.
Pas kthimit të Masimilano Alegrit nën drejtimin e Juventusit, në planet e teknikut italian është i përfshirë edhe 28-vjeçari spanjoll që shihet si alternativë në repartin e sulmit.
About Author
