Lugina e Preshevës është prekur nga një katastrofë natyrore ku përmbytjet nga reshjet e dendura të shiut kanë shkaktuar përmbytje dhe dëme materiale. Shtabi i Emergjencës ka shpallur gjendje të jashtëzakonshme në dy fshatra të komunës që janë prekur më shumë.
Krahas evidentimi të dëmeve ka nisur dhe mbledhja e fondeve financiare. Kryetarja e Komunës së Preshevës, Ardita Sinani thotë se ka kërkuar mbështetje financiar nga qeveria e Serbisë, por edhe nga Kosova dhe Shqipëria.
“Për të përballuar këtë situatë të vështirë për komunën e Preshevës dhe për banorët e prekur nga vërshimet, kërkova ndihmë nga Qeveria e Serbisë. Po ashtu për ndihmë komunës dhe qytetarëve tanë iu drejtova me shkrim edhe kryeministrit të Shqipërisë, z. Edi Rama, kryeministrit të Republikës së Kosovës, z. Albin Kurti si dhe kryetarit të Bashkisë Tiranë, z. Erion Veliaj”, shprehet znj. Sinani.
Ndërkohë deputeti shqiptar në parlamentin e Serbisë, Shaip Kamberi thotë se ka pasur dëme në infrastrukturë, biznese familjare dhe shtëpi ndaj ka bërë thirrje për ndihmë.Preshevës i nevojitet ndihmë. I duhet përkrahje. Inkurajoj të gjithë përfaqësuesit institucional në Kosovë e Shqipëri, t’i gjinden pranë Preshevës dhe qytetarëve të saj. Katastrofat natyrore nuk mund t’i ndalim edhe sikur të bëhemi gjithë bashkë. Por solidarizimin dhe mbështetjen konkrete për riparimin e gjendjes së shkaktuar, mbështetjen e familjeve dhe bizneseve të dëmtuara, mundemi! Tirana, kryeqyteti jonë i përbashkët, bëri hapin e parë. Faleminderoj kryebashkiakun Veliaj. Le të bëhemi bashkë të gjithë. Të jemi pranë Preshevës e me Preshevën”, shprehet z. Kamberi.
About Author
