Bombardimi i Izraelit në Rripin e Gazës hyri në ditën e gjashtë me radhë, me sulmet ajrore që goditën një kamp refugjatësh ku të paktën 10 palestinezë – tetë fëmijë, dy gra – u vranë dhe duke rrafshuar një ndërtesë të lartë që strehonte zyrat e organizatave mediatike, përfshirë Al Jazeera, transmeton Insajderi.
Ndërkohë, palestinezët u mblodhën të shtunën në pjesë të Bregut Perëndimor të okupuar për të protestuar kundër okupimit të vazhdueshëm Izraelit dhe bombardimeve të vazhdueshme të Gazës. Të paktën 140 palestinezë, përfshirë 39 fëmijë, janë vrarë në Rripin e Gazës që nga e hëna, raporton Al Jazeera.
Rreth 950 të tjerë janë plagosur. Në Bregun Perëndimor të okupuar, forcat izraelite kanë vrarë të paktën 13 palestinezë. Të paktën nëntë njerëz në Izrael janë vrarë gjithashtu, me një vdekje të re të raportuar të shtunën në Ramat Gan.
Ushtria izraelite tha se qindra raketa janë lëshuar nga Gaza drejt vendeve të ndryshme në Izrael dhe ata kanë shtuar përforcime pranë tokave lindore të enklavës. Mijëra familje palestineze po strehohen në shkollat e drejtuara nga Kombet e Bashkuara në Gaza veriore për t’i shpëtuar zjarrit të artilerisë izraelite. Kombet e Bashkuara ka thënë se vlerëson rreth 10,000 palestinezë kanë lënë shtëpitë e tyre në Gaza mes ofensivës izraelite.
About Author
