Mançester Siti është zyrtarisht kampion i Premier Ligës. Humbja e Junajtid në shtëpi ndaj Lestërit, me rezultatin 1-2 mbrëmjen e sotme, i ka siguruar matematikisht titullin “qytetetarëve” të Guardiolës, të cilët kanë festuar nga divani, 3 javë para fundit të kampionatit.Ky është titulli i tretë në 4 vitet e fundit për Sitin dhe i shtatë në historinë e klubit nga Mançesteri. Vlen të theksohet fakti se skuadra e Guardiolës, është gjithashtu edhe në finalen e Champions Leagues, ku do të përballet me Çelsin më 29 maj.Për sa i përket përballjes mes Junajtid dhe Lestërit, “dhelprat” kaluan të parët në avantazh me anë të Thomas në minutën e 10-të, teksa Grinud barazoi shifrat në të 15-tën. Pjesa e parë u mbyll në barazim 1-1, teksa në fragmentin e dytë të lojës, turk Sojunçu, realizoi golin e fitores për skuadrën e Lestërit. Ky triumfi i siguroi matematikisht titullin Sitit, që 3 javë para fundit kryeson me 10 pikë diferencë nga ndjekësit e Junajtid.
About Author
