Forcat për operacione special të Maqedonisë së Veriut, SHBA dhe Greqia nikoqire, nga e marta filluan stërvitje të përbashkët për hedhje me parashutë dhe kërcime nga aeroplanë në zonën e Atikës dhe në Larisa, në kuadër të planit dhe koordinimit të Komandës interdisiplinare për operacione speciale të Shtatmadhorisë së armatës greke, lajmëroi korrespondentja e AIM-s nga Athina.
Nga Shtatmadhoria e Armatës greke kumtojnë se “stërvitja e përbashkët konkrete është në kuadër të bashkëpunimit ndërkombëtar të forcave të armatosura greke me vende mike dhe aleate”, dhe në kuadër të bashkëpunimit të planifikuar, të cilat “plotësisht dhe vazhdimisht po zbatohet në periudhën e fundit kohore mbi bazë të planit të përgjithshëm të Shtatmadhorisë”.
“Qëllimi është të sendërtohet niveli i bashkëpunimit, të mirëkuptimit dhe të shkëmbimit të njohurive teknike midis forcave pjesëmarrëse, si dhe rritje shtesë së aftësive operative dhe ndërveprimit të forcave për operacione special në kornizë aleate”, theksohet në kumtesën për stërvitje të përbashkët.
Nga Greqia marrin pjesë pjesëtarë të Komandës ndërvepruese për operacione speciale, dy helikopterë të aviacionit ushtarak të armatës dhe një aeroplan i forcave ajrore, nga SHBA pjesëtarët e 10th Special Forces Group, ndërsa nga Maqedonia e Veriut pjesëtarë të forcave speciale.
About Author
