Pas dy humbjeve të njëpasnjëshme, Boston Celtics ëhtë rikthyer te fitorja në NBA.
Skuadra 17 herë kampione e NBA-së, ka triumfuar ndaj Toronto Raptors me 14 pikë diferencë, 120:106.
Vendasit ishin më të mirë prej fillimit të ndeshjes kur krijuan epërsi dhe e mbajtën atë deri në fund, madje më e larta shkoi deri në 19 pikë.
Semi Ojeleye ishte më efikasi në këtë takim me 24 pikë dhe gjashtë kërcime për vendasit.
Ndërkohë me pikë dyshifrore kontribuan edhe katër basketbollistë të tjerë si Kemba Walker (24), Payton Pitchard (20), Jyason Tatum (17) dhe Jaylen Brown me 12 pikë të tjera.
Kyle Lowry me 24 pikë dhe Pascal Siakam me 23 të tjera ishin më efikasit tek mysafirët, por që nuk mjaftuan për të marrë fitore në TD Garden.
Me këtë fitore, Celtics ngritën në pozitën e katërt në Konferencën e Lindjes me bilanc 13-11 në të mirë të fitoreve, derisa Raptors janë dy pozita më poshtë me 12 fitore e 14 disfata.
About Author
